Na Innocent Mungy, Riyadh, Saudi Arabia, Tarehe 4 Oktoba 2023

Mheshimiwa Nape Moses Nnauye, Waziri wa Habari, Mawasiliano, na Teknolojia ya Habari wa Jamhuri ya Muungano wa Tanzania, amesisitiza umuhimu wa kuweka kipaumbele kwa watu katika kukuza Sekta ya Posta duniani.

Ameyasema hayo katika Mkutano wa Nne wa Dharura wa Umoja wa Posta Duniani (UPU) huko Riyadh Saudi Arabia. Mkutano huo unahudhuriwa na nchi wanachama wa UPU na unalenga kuweka mfumo wa kuandaa mustakabali wa Sekta ya Posta kwa siku zijazo.

Katika hotuba yake, Mheshimiwa Nnauye alisisitiza kauli mbiu ya Mkutano huo, "Watu, Kusudio, Maendeleo - Mustakabali Ujao Wa Sekta ya Posta," akiiunganisha na maneno ya mwasisi wa Tanzania, Mwalimu Julius Kambarage Nyerere, aliyeeleza umuhimu wa maendeleo kuzingatia watu.

Mheshimiwa Nape Nnauye alitilia mkazo juhudi za Tanzania za kuongeza ufanisi wa Huduma za Posta. "Chini ya uongozi wa Rais Samia Suluhu Hassan, Serikali ya Tanzania imeanzisha ajenda kamili ya mageuzi, ikiwa ni pamoja na kuanzisha Benki ya Posta ya Tanzania, kutoa huduma za kifedha kwa jamii zilizokuwa hazina huduma hizo na kukuza upatikanaji wa huduma za kifedha kwa jamii" alisema Mheshimiwa Nnauye.

Aliongeza kuwa uwekezaji katika maendeleo ya miundombinu umekuwa muhimu katika kupanua mtandao wa posta, kuboresha vifaa vya usafirishaji, na kuboresha mfumo wa utoaji huduma, kuhakikisha huduma za posta zinawafikia wananchi hasa yaliyo na changamoto za upatikanaji wa huduma husika.. Waziri Nnauye alisisitiza wa kushirikisha  wadau kwa njia ya kushirikisha kila mmoja katika kufanya maamuzi, kushughulikia mahitaji na changamoto zinazowakabili wafanyakazi wa kwenye sekta ya posta, wateja, na umma kwa ujumla.

Alisisitiza kuwa, mageuzi ya kidijitali yamekuwa lengo kuu katika juhudi za kisasa za Sekta ya Posta ya Tanzania. Utekelezaji wa majukwaa ya biashara mtandaoni na mifumo ya malipo ya kidijitali umesaidia kuongeza urahisi na kutoa fursa za ukuaji wa kiuchumi na ujasiriamali.

Waziri Nnauye aliitaka ushirikiano ili kukuza kwa haraka Sekta ya Posta ambayo inabadilika haraka kutokana na maendeleo ya teknolojia pamoja na matarajio ya wateja ambayo yanayobadilika kila wakati. Aliishukuru nchi ya Saudi Arabia kwa kuwa mwenyeji wa kongamano hilo na kuonesha matumaini kwamba majadiliano yanayoendelea katika mkutano huo  yatapelekea uwepo wahatua na mipango halisi itakayosukuma Sekta ya Posta katika enzi mpya ya maendeleo na ubora.

Hotuba ya Waziri Nape Nnauye katika Mkutano wa UPU imepokelewa kwa furaha katika kongamano hilo la kuweka kipaumbele kwa watu katika enzi mpya ya Sekta ya Posta. Wakati kongamano linaendelea, wadau wanatazamia kwa hamu matokeo yatakayounda Enzi Mpya ya Sekta ya Posta duniani.