• Tanzania miongoni mwa nchi wanachama wa ITU waliohudhuria, Kugombea kuwa Mjumbe wa Baraza Kuu la ITU - 2023-2026

Na Innocent Mungy – Bucharest

Ulimwengu Habari na  Teknolojia ya Mawasiliano na Mawasiliano unakutana nchini Bucharest Romania kutoka 26 Septemba hadi 14 Oktoba wakati wa Mkutano Mkuu wa Kimataifa wa Umoja wa Mawasiliano 2022 (ITU PP22).

Tanzania imewakilishwa kikamilifu katika Mkutano huo na ujumbe wa viongozi wa Sekta ya TEHAMA wakiongozwa na Mheshimiwa Nape Moses Nnauye (Mbunge), Waziri wa Habari, Mawasiliano na Teknolojia ya Habari. Mhe.Nnauye  anatarajiwa kuwasilisha Tamko la Kisera la Tanzania tarehe 29 sSptemba wakati wa Mkutano Mkuu huo.

Akizungumza mapema kabla ya Mkutano huo, Dkt. Jim Yonazi, Katibu Mkuu wa Wizara ya Habari, Mawasiliano na Teknolojia ya Habari amesema Tanzania inashiriki Mkutano huu wa PP22 kwa sababu mahususi.

"Tanzania inalenga kuiweka Tanzania katika nyanja ya maendeleo ya TEHAMA duniani na kukuza ushawishi wake kama kitovu cha TEHAMA katika ukanda wa Kati na Kusini mwa Afrika ili kuendana na mabadiliko ya kiteknolojia yanayofanyika kila siku duniani kote" alisema Dkt. Yonazi.

Alisema zaidi kuwa Tanzania itautumia mkutano huu kuhakikisha inanufaika na mpango mkakati mpya wa ITU unaolenga kuleta  muunganisho wa mawasiliano kwa wote na mabadiliko endelevu ya kidijitali. Pia kushawishi na kuvutia miradi ya kimataifa, makampuni na washirika wa maendeleo katika TEHAMA ili kujenga uwezo na kukuza ubunifu wa vijana kutumia teknolojia zinazoibuka katika nchi yetu.

Mkutano Mkuu wa ITU “Plenipotentiary” inawaleta pamoja wawakilishi wa  nchi wanachama 193 wa Umoja huo.  Mkutano huu ni chombo cha juu zaidi cha kutengeneza sera cha Umoja wa Kimataifa wa Mawasiliano (ITU). Hufanyika kila baada ya miaka minne, ni tukio muhimu ambalo nchi wanachama wa ITU huamua juu ya jukumu la baadaye la Umoja, na hivyo kuamua uwezo wa shirika kushawishi na kukuza maendeleo ya teknolojia ya habari na mawasiliano (TEHAMA) duniani kote.

Akiwakaribisha wajumbe kwenye Mkutano wa 21^st Plenipotentiary huko Bucharest, Katibu Mkuu wa ITU alisema Mkutano huu utakuwa wa Kihistoria.

"Nchi wananchama zitaungana katika Mkutano Mkuu wa ITU “Plenipotentiary” 2022 ili kuweka mwelekeo wa mabadiliko ya kidijitali kwa miaka ijayo, kwa manufaa ya sayari yetu na ubinadamu." Katibu Mkuu wa ITU alisema katika taarifa yake.

Mkutano huo unaweka sera za jumla za Umoja huu, hupitisha mipango mikakati na fedha ya miaka minne na kuchagua Viongozi Waandamizi wa Umoja, nchi wanachama wa Baraza, na wajumbe wa Bodi ya Kanuni za Redio.

Katika Mkutano huu, Tanzania inagombea kuwa katika mjumbe katika Baraza la ITU kwa kipindi cha 2023 hadi 2026. Kuna wagombea 17  wa nafasi 13 za Afrika katika Baraza.